وجهة نظر

اضحك الصورة تطلع حلوة

2018-12-05 09:23:09 |
  • رولا خرسا
  • رولا خرسا

    "اضحك عشان الصورة تطلع حلوة"..مش عارفه دا مثل ولا نصيحة بتتقال ..مش مهم أصله إيه بس الأكيد إنك إما بنضحك كل حاجة بتبقى أحلى مش بس الصورة.

    ومين فينا مش ماشى يصور تفاصيل كتيرة فى حياته..من يوم ما اخترعوا الكاميرا والنَّاس عشقت التصوير وبقت بتحط فى بيتها صور.

    زى زمان صورة العروسة قاعدة والزوج واقف جنبها، دول لو ناس متفتحين، إما لو كانوا من النوع المنغلق فالعكس، الزوج قاعد والست واقفة وراه.. والصور القديمة دى طبعًا بتتوارثها الأجيال أو يستخدمها المؤرخون والكتاب..واليوم الموبايل أصبح بديلا للكاميرا..نصور لحظاتنا كلها، نسجلها كى نعود إليها ونتذكرها، نصور أحبائنا وإنجازاتنا نصور من نحبهم ومن نفتخر بعلاقتنا بهم وكاننا نريد أخبار العالم كله أننا بصحبتهم..نصور حتى قهوتنا وطعامنا وكأننا سنحتسيها أونأكله ثانية لحظة الفرجة عليها..كنت دوما أتخيل.

    وأنا لدى الكثير من الأحلام المجنونة وأن كانت التكنولوجيا قد جعلت احتمالية كل شى قائمة، لو أنه فى الإمكان أن نعيش اللحظة التى فى الصورة مرة أخرى..أو نعمل ديليت للحظة خاصة بأمر مؤلم أو موقف لا نريد أن نتذكره..طبعًا السوشيال ميديا أو وسائل التواصل الاجتماعى أصبحت وسيلة تاريخ لحياتنا أصبحت أشبه باليوميات..أعياد ميلاد، أفراح، صورلمن نحب، ذكريات خروجة حلوة أوحفلة أو عزومة.. بغض النظر عن أن البعض بيعتبر كثرة الصور منظرة إلا أننا لا نستطيع أن ننكر أن الصور والعالم الافتراضى حوٌل شخصيات مجهولة إلى مشهورة.. يضعون شوية صور يجذبون بها الفولوورز يعنى المتابعين و"هوب، فوق " بصوت محمد صبحى يصبحون من النجوم.

    الصورة لها تأثيرالسحر أيا ما كانت تحتويه: فستان مفتوح شوية، مواقف طبيعية بالنسبة للأشخاص العاديين تصبح خبر عن المشاهير..اَى حاجة وكل حاجة هى مادة أو قماشة..كل صورة ممكن تحويلها لخبر..وأهل الصحافة يعرفون كيفية تحويل الصورة العادية لخبر..وفيه ناس بتتصورعشان يبقى خبر أو موضوع وناس بتتصور عشان تجيب فولوورز وناس فعلا بتسجل لحظة حلوة ترجع لها كل فترة وتبتسم وتقول:"بحب الشخص الى فى الصورة " أو "الله على حلاوة اللحظة يا ريت ترجع تانى" أو وحشنى الى متصور معايا"..أو "كان يوم أغبر واحنا بتتصور واحنا مش طايقين بعض وبنضحك ضحكة مصطنعة عشان الصورة".. الخلاصة أن الصورة وراها دايما حاجة..وكل فترة فى حياتنا فيه ليه صورة مميزة بعتبرها البروفايل بيكتشر بتاعة الصفحة دى من الكتاب..كتاب حياتنا..ربنا يملأ حياتكم ضحكات من القلب تملأ البوم صور حياتكم فرحة..

    رولا خرسا اضحك الصورة تطلع حلوة
    للأعلى